Nangisayangkat ti inter-angency coordination iti Bauang Municipal Police Station (MPS) idi kalman, Abril 26, 2026, babaen ti panangidaulo ni PMAJ James-John M. Taguba, Chief of Police.
Panggep daytoy a tarataren iti Joint Armed Forces of the Philippines-Philippine National Police-Philippine Coast Guard (AFP-PNP-PCG) StratCom a “PAGKAKAISA,” maysa nga inisiatiba tapno papigsaen iti koordinasion dagiti nasao nga ahensia.
Segun kadagiti opisial, nakatutok iti “PAGKAKAISA” iti panagpainget ti inter-agency collaboration babaen ti maysa a sentralisado ken baro a sistema ti komunikasion.
Manamnama a mapapartak daytoy iti panangipaay dagiti panagpatalged a serbisio, aglalo kadagiti panawen ti didigra ken emergency operations.
Babaen kadagitoy nga addang, mapatibker dagiti ahensia iti kabaelanda nga agtinnulong tapno masiguro a natalged ken nakasagana iti komunidad iti aniaman a emerhensia ken didigra. (Report by Bombo Jordan)
Photo Courtesy: Bauang Pnp Mps
