SAN FERNANDO CITY – Nainget nga agbanbantay ti City of San Fernando Police Station dagiti gas stations kadua dagiti partner stakeholders.
Daytoy ket tapno masigurado ti seguridad, mataginayon ti urnos ti publiko, ken urban resilience.
Panggep ti nasao nga operasion a bantayan dagiti lugar a paglakuan ti langis, maliklikan iti aniaman nga ilegal nga aktibidad, kasta met a masigurado nga adda ti umdas ken umno ti pannakaited dagiti produkto a petrolyo kadagiti umili.
Segun kadagiti otoridad, paset ti “proactive measures” iti nagsasaruno a panagpatrolya partikular kadagiti kritikal nga imprastraktura.
Maitunos dagitoy nga addang iti panggep ti pulisya a mangipaay ti pudno a serbisyo ken proteksion babaen ti kampania ti Bagong Pilipinas.
Photo Courtesy: City of San Fernando Police Station, La Union PPO (FB)
