BANGAR – Agtultuloy iti panangiyuswat ti Bangar Municipal Police Station iti Proyect Yapakk kas panangituloy ti adbokasia a tumulong ken mangsuporta kadagiti agserserbi iti publiko iti komunidad.
Indauluan ni COP PMaj. Clinton Amawan iti aktibidad nga addaan panggep a bigbigen ken suportaran dagiti barangay tanod nga agtultuloy nga agserserbi kadagiti konstituenteda.
Paset daytoy a programa ti pannakaiwaras ti pakabuklan a 38 a pares ti sapatos, pito ken flashlights a maited kadagiti barangay tanod kas simbolo ti panangipateg iti dedikasion ken serbisioda.
Agserbi dagiti sapatos a palagip nga iti tunggal addang nga aramidenda, adda suporta ti puersa ti polisia ken ti intero a komunidad.
Bayat nga agtultuloy ti Project Yappak kadagiti nadumaduma nga ili, manamnama nga ad-adu pay nga opisial ken umili ti mabenepisiaran kadagiti programa a naipamaysa iti panangaywan, panagkaykaysa, ken naimpusuan a serbisio.
Paset ti nasao a programa iti pannangited ti pannakaammo ken kabaelan dagiti tanod babaen ti lektura maipapan ti Spiritual ken Moral Enhancement, Basic Life Support ken First Aid, Katarungang Pambarangay, ken Arresting Techniques.
Iti sabali nga bangir, napalaos iti panagyaman dagiti tanod a naipaayan iti serbisyo a mausar iti kanayon a pangdutyda.
Kabayatanna, segun iti liderato ti Bangar MPS, agtultuloy iti nasao a ganduat tapno makatulong iti pagsayaatan iti amin nga umili. (Report by Bombo Danico)
Photo Courtesy: Bangar PS Luppo
