Nayakar iti house arrest ti sigud a lider ti Myanmar a ni Aung San Suu Kyi kalpasan ti nasurok lima a tawen a pannakaibaludna sipud idi pinarmek isuna ti maysa a military coup idi 2021.
Iti maysa nga statement babaen ti lider ti militar a ni Min Aung Hlaing, ti nabati a sentensia ni Suu Kyi ket naikkat ken nayakar daytoy iti “designated residence,” no sadino nga epektibo ti house arrest.
Maipakpakita met iti state media iti ladawan ti 80-anyos a ni Suu Kyi a nakatugaw a nakatugaw kadua ti dua nga uniformed personnel. Nupay kasta, agtaltalinaed a limitado iti impormasion maipapan iti aktual a kasasaadna.
Segun iti anakna a ni Kim Aris, agdudua isuna gapu ta agingga ita ket awan pay ti konkreto a pammaneknek a nabiag ken natalged ti inana, agsipudta iti rimuar a retrato ket naala pay laeng idi 2022.
Imbaga met ti legal team ni Suu Kyi iti Reuters nga awan ti naawatda nga opisial a pakaammo maipapan iti pannakayakarna iti house arrest.
Ni Suu Kyi, a napadayawan iti Nobel Peace Prize idi 1991, ket nagbalinen a simbolo ti pro-democracy movement idiay Myanmar ken immuna a nadutokan idi 2015 kalpasan dagiti reporma iti pagilian.
Ngem sipud idi napasamak ti kudeta idi 2021, simmango isuna iti nagsasaruno a kaso nga inawagan dagiti tagasuportana kas parparbo laeng.
Paulit-ulit met a naibaba ti sentensiana a dimmanon ti 33 a tawen.
Kenuna dagiti analyst, mabalin a mangipasimudaag iti posible a panagbalbaliw ti kasasaadna iti kellaat a waragawag, bayat nga ikagkagumaan ti military junta a kissayan iti international isolation ti pagilian.###
