Nagpakdaar iti Iran ti “napaut ken nasaem a panagibales” maibusor iti Estados Unidos no mangisayangkat manen iti Washington ti military strikes, iti tengnga ti agtultuloy a tension iti rehion.
Dua a bulanen ti napalabas sipud idi timpuar ti gubat iti nagbaetan ti Estados Unidos ken Israel kontra Iran, agtaltalinaed a nakasara ti Strait of Hormuz, maysa a napateg a ruta a pagdalyasatan ti dandani 20% ti global ken gas supply. Gapu iti daytoy, agtultuloy iti panagngato ken pabaliwbaliw a panaggaraw ti presio ti langis iti internasional a merkado.
Nupay addan ti ceasefire sipud idi Abril 8, saan pay laeng nga agtunos dagiti agsinnungbangir a dasig, kangrunaan ta agtultuloy a laplapdan ti Iran iti strait kas sungbat iti naval blockade ti Estados Unidos iti oil exports-da.
Kabayatanna, manamnama nga ipakaammo ni U.S. President Donald Trump iti detalye maipapan ti posible a baro a serye ti military strikes kontra iti Iran, nga addaan panggep a piliten daytoy nga agbalin a silulukat iti negosasyon mainaig ti nuclear issues.
Gapu kadagitoy a pasamak, dimanon iti presyo ti Brent crude oil ti nasurok $126 tunggal bariles sakbay a bumaba iti agarop $113, a mangipakpakita ti nakaro nga epekto dagiti geopolitical tensions iti sangalubongan nga ekonomia.###
