Agtaltalinaed a naannad iti kampo ni Bise Presidente Sara Duterte iti laksid dagiti report nga adda dagiti senador a posible a mangsuporta kenkuana no ag-convene ti Senado kas impeachment court.
Segun kenni defense spokesperson Atty. Michael Poa Michael Poa, saanda pay a kampante iti bilang dagiti senador a mabalin a dumasig iti Bise Presidente gapu ta napolitikaan daytoy a banag.
Kenunana, napartak iti panagbalbaliw ti politika isu a saan a maitutop a bilangen no siasino ti maibilang a kaalyado.
Iti agdama, nakapamaysa ti legal team iti panangpatibker ken panangisagana dagiti testigo para iti posible a panagusig.
Impaganetget ni Poa nga agbotos dagiti senator-judge maibasar iti ebidensya ken testimonya, saan nga iti pulitikal a koneksion.
Patien iti kampo ni VP Sara nga agbalin a patas iti proseso apaman a mangrugi ti trial.###
