Pagan-annaden ti Department of Health (DOH) iti publiko maipanggep iti dakes nga epekto ti ashfall iti salun-at ti tao.
Daytoy ket kalpasan a nangipugso ti napuskol nga asok iti Bulkang Mayon idiay Albay idi kalman kalpasan ti Pyroclastic Density Current a nangapektar ti adu a barangay iti probinsia.
Segun ti ahensia, karaman kadagiti nasayaat a proteksiyon iti panagusar ti safety goggles, N95 face mask, long sleeves ken pantalon a mangakkob iti kudil.
Kabayatanna, kinuna ti Philippine Coast Guard a nakaalerto iti Deployable Response Group ti Coast Guard District Bicol tapno maideploy gapu iti aktibidad ti Bulkang Mayon.
Sigun ti PCG, nasurok 124 a personnel manipud kadagiti sabali nga unit ti nakasagana ti immediate response kas iti panangiyakar ken pannangted ti humanitarian assistance kadagiti naapektaran a komunidad.
