Agtaltalinaed iti Alert Level 3 ti Bulkan Mayon idiay Albay kalpasan a nangipugso ti napuskol nga asok idi kalman kasaruno ti Pyroclastic Density Current event.
Segun ti Philippine Institute of Volcanology and Seismology (Phivolcs), mangipasimudaag daytoy nga agtaltalinaed a nangato iti aktibidad ti bulka, adda iti panagayos ti lava ken nakapsot nga aktibidad.
Nakairekord met ti 32 volcanic earthquakes karaman dagiti 25 a panagginggined nga addan ti kabayag a dua agingga 15 minuto.
Adda met ti 284 rockfall events ken 14 Pyroclastic Density Current signals bayat a dumanon ti 1,586 tonelada ti asupre wennu sulfur dioxide iti impugso ti bulkan.
Kenuna ti PHIVOLCS, agtultuloy a makitkitaan ti katamtaman a panagsingaw ti Bulkang Mayon nga agturong ti laud-amianan a laud ken mangrugrugi nga agmaga iti amianan-daya a paset daytoy.
Agtultuloy met a pagan-annaden iti publiko mainaig iti dakes nga epekto ti ashfall iti salun-at ti tao.
Kabayatanna, dagos a nangisayangkat ti clearing operations ti Department of Public Works and Highways iti kawatiwatan ti Maharlika Highway idiay Camalig, Albay tapno masigurado iti kinatalged dagiti motorista.###
