Nangipugso ti dakkel a volume ti abo iti Bulkang Mayon idi kalman, Mayo 2, 2026.
Segun kenni PHIVOLCS Director Dr. Teresito Bacolcol iti pannakauman ti Bombo Radyo Legazpi, napasamak iti insidente agarup alas-4:28 ti malem kalpasan ti lava effusion iti tuktok ti bulkan a nangigubuay ti panagcollapse ken panag-generate ti pyroclastic density currents (PDCs).
Partikular a bimmaba iti PDCs ti Mi-isi Gully iti southern slopes ti bulkan, a mapatta-patta a dumanon ti uppat a kilometro iti kaatiddogna. Daytoy ti maipagarop a kadakkelan a PDCs a nailista sipud iti naudi a panagputok ti bulkan.
Nagpakdaar ni Dr.Bacolcol a no dumanon ti innem a kilometro iti abo, mabalin a maapektaran dagiti asideg a komunidad, nangruna dagiti kailian nga addaan ti komplikasyon iti bara, ken dagiti masikog.
Gapu iti daytoy, napalagipan iti publiko a nainget a maiparit iti panagserrek iti 6 km Permanent Danger Zone (PDZ).
Iti agdama, agtaltalinaed iti Alert Level 3 ti Bulkang Mayon, indikasion ti agtultuloy a magmatic unrest ken posibilidad ti delikado ken nakarkaro a panagbettak.
Mabalakadan iti amin a residente nga agtalinaed a naridam ken sumurot kadagiti abiso ti lokal a gobierno ken ti PHIVOLCS.###
