Nagsaon ni Miss Philippines Earth 2025 Joy Barcoma mainaig iti isyu ti panagbully idi kallabes a maikonkonektar iti naganna.
Segun kenkuana, nagtaud daytoy iti maysa nga insidente idi agad-adal pay laeng isuna sadiay Polytechnic University of the Philippines.
Iti maysa nga interview, imbinglay ni Barcoma nga adda ti nakaririna a kaklase iti kolehiyo ngem nabayag daytoyen a napasamak. Nupay kasta, rimuar manen iti pasamak kalpasan a nagwaras iti maysa a blind item idi Marso a mangdakdakamat kanyana.
Nakaapektar la unay kenkuana iti nagbalin a panangiladawan ti isyu iti social media maiyarig iti mismo a pammabasol, ken arigna saan a nagbalin a seryoso iti panagkita dagiti dadduma iti isyu ti bullying.
Inaklonna a mabalin a nangnayon iti “dogshow” wenno narabak ken palaban a personalidad iti social media iti biddut nga interpretasion ti publiko.
Impaganetgetna a saanna a tagtagibassiten iti bullying ken tarigagayna nga agbalin a boses para kadagiti makapadpas ti kinaranggas, panagabuso, ken pananguyaw.
Kagiddan ditoy, impaganetget ni Joy a saan a rumbeng nga abusuen iti panagusar ti sarita a “bullying”, kangrunaan no daytoy ket maus-usar laeng no adda ti bumalbales wenno sumungsungbat iti pammabalaw.
Inbagi ni Joy ti Pilipinas iti Miss Earth 2025 ken nagleppas iti Top 8. Nagbalin met a nalatak iti social media gapu ti makapatawa ken relatable a posts.###
