Temporario a winayawayaan ti Pasay Regional Trial Court (RTC) ni Jay Sonza kalpasan a maarestar idi rabii ti Huebes.
Pinasingkedan ni National Bureau of Investigation (NBI) Director Atty. Melvin Matibag a naproseson ti ₱10,000 a piyansa ni Sonza.
Kinumpirma met ti abogado ni Sonza a ni Atty. Mark Tolentino nga addan iti release order ti kliyentena manipud iti Pasay City RTC Branch 118.
Naibalud ni Sonza ti lima nga aldaw gapu iti kaso a panaglabsing iti Cybercrime Prevention Act of 2012.###
