Balligi nga inserbi dagiti pannakabagi ti linteg iti Warrant of Arrest kontra iti Top 1 Most Wanted Person – Provincial level, idi Mayo 5, 2026, idiay Barangay Ilocanos Sur, City of San Fernando, La Union.
Ti suspek a saanen a nailanad ti naganna ket residente ti siyudad ken nakemmeg para ti dua a bilang ti Qualified Rape of a Minor nga awan ti nairekomenda a piyansa.
Naipaulog ti warrant babaen iti Presiding Judge ti Regional Trial Court, First Judicial Region, Branch 30, City of San Fernando, La Union, ken napetsaan ti Abril 24, 2026.
Indauluan ti City of San Fernando Police Station iti operasion, kadua ti La Union Provincial Investigation and Detection Management Unit (LUPIDMU), Regional Intelligence Division 1 (RID 1), La Union Police Intelligence Unit (LUPIU), Regional Intelligence Unit-Provincial Intelligence Team (RIU1-PIT La Union), Technical Support Company-Regional Mobile Force Battalion 1 (TSC-RMFB 1), ken La Union Maritime Police Station (LUMARPSTA).
Nairecord ti intero nga operasion babaen ti naisyu a Body-Worn Camera ti PNP tapno masigurado ti transparency ken umno a proseso.
Kalpasan ti pannakaarestar ti suspek, naiturong daytoy iti City Health Office para iti medikal nga eksaminasion sakbay a naipasidong ti dokumentasion ken disposision.
Iti agdama, padasen ti Bombo Radyo a makiuman iti nasao nga istasion ti pulisya para iti kanayunan a detalye.###
Photo Courtesy: City of San Fernando Police Station, La Union PPO
