Inarestar ti National Bureau of Investigation (NBI) ita nga aldaw ti Miyerkules, Mayo 6, iti online media personality a ni Franco Mabanta kalpasan a maipagarup a ginandatna a kikilan ni sigud nga House Speaker Martin Romualdez.
Segun kenni NBI Director Melvin Matibag, nakemmeg ni Mabanta iti maysa nga entrapment operation.
Maibasar iti report, maipagarop a dawdawatanna ni Romualdez ti ₱350 million kasukat ti saanna a panangiruar dagiti iggem na a video a mangiramraman iti sigud a kongresista iti flood control scandal babaen ti Peanut Gallery Media Network.
Naisayangkat iti operasyon kalpasan a nakaawat ni Mabanta ti ₱300 million marked money, a nagresulta ti pannakatiliwna.
Pinaglibakan met ni Mabanta dagiti alegasion ken inpaganetget nga awan ti kinapudno dagiti akusasion ken inosente isuna.
Iti sabali a bangir, inaklon ni Matibag a personal nga am-ammona ni Mabanta, ngem impanamnamana nga ipatungpal ti ahensia iti mandato daytoy iti laksid ti insidente.###
