Nawaya dagiti kongresista a miembro ti Liberal Party nga agbutos iti plenario mainaig iti impeachment kontra kenni Bise Presidente Sara Duterte maibasar iti konsiensiada, pammati ken prinsipio.
Daytoy ti inwaragawag ti House Senior Deputy Minority Leader ken Mamamayang Liberal Party-list Rep. Leila De Lima, chairperson ti LP.
Segun kenni De Lima, idi Marso 3, nagtulag dagiti kongresista a miembro ti LP nga ipangruna ti conscience vote seknan iti impeachment ni VP Duterte.
Endorser ni De Lima iti maikatlo nga impeachment complaint kontra kenni VP Duterte nga inpila dagiti padi, madre ken abogado nga idauluan ni Father Joel Saballa.###
