Inwaragawag ni US President Donald Trump nga agtaltalinaed latta ti ceasefire ti pagilian da ken ti Iran, laksid ti kaadda dagiti panagraut manipud iti dua a dasig sadiay Strait of Hormuz.
Inakusaran iti top military ti Iran a tinarget ti Estados Unidos ti oil tanker da kasta met dagiti sabali pay a barko nga naglabas iti ruta.
Malaksid na ket nangisayangkat pay ti Estados Unidos kadagiti “aerial attacks” iti kabaybayan nga asideg iti lugar.
Indepensa met ti US a bimmales laeng isuda kalpasan iti panagraut kadakuada ti Navy guided-missile destroyers.
Impagpannakkel ni Trump nga adu a perdisyon ti nagun-od da kasaruno ti panangipaganetget nga agtultuloy latta iti ceasefire deal.
