Pimmartak iti 10.7% iti panagrang-ay ti pautang dagiti dadakkel a bangko idi Marso, ti kangatuan iti uneg ti pito a bulan, segun ti Bangko Sentral ng Pilipinas (BSP).
Dimmanon ti ₱14.6 trillion dagiti outstanding loans idinto a dumakdakkel met ti domestic liquidity wenno M3 ti 12% iti ₱20.4 trillion.
Kenuna ni Carlo Asuncion, chief economist ti UnionBank of the Philippines, agtaltalinaed a natalged iti domestic demand ken limitado pay laeng iti epekto ti rinnupak idiay Middle East iti lokal nga ekonomia.
Apagapaman a bimmuntog ti consumer lending ngem agtaltalinaed a napigsa ti redit card lending. Kabayatanna, pinapartak met dagiti pautang para iti negosio, nangruna iti sektor ti utilities, transportation ken retail trade.
Laksid daytoy, agtalinaed a karit iti nangato nga implasion, a nakaigapuan tapno ingato ti BSP iti benchmark interest rate iti 4.5%.###
