Impaganetget ti International Criminal Court (ICC) a ti pannakaipatungpal dagiti arrest warrant ken pannakaisuko dagiti suspek iti tribunal ket nakadepende iti kooperasion ti gobierno ti Pilipinas.
Daytoy ket kalpasan ti kumpirmasion ni ICC spokesperson Oriane Maillet nga addan ti arrest warrant kontra kenni Senador Ronald “Bato” dela Rosa, a maibilang a maipagarup a “co-perpetrator” ni sigud a Presidente Rodrigo Duterte kadagiti kaso a crimes against humanity manaig ti “war on drugs”.
Inaramid ti opisial ti ICC iti waragawag kalpasan iti napasamak a kinnamat ken napaay a panag-aresto dagiti agents ti National Bureau of Investigation (NBI) iti Senador iti uneg ti Senado idi Lunes, Mayo 11, 2026.
Segun kenni Maillet, gapu ta ti ICC ket maysa nga hudisional nga institusion a nakaangkla iti kooperasion dagiti estado, adda iti ima dagiti nasional nga otoridad iti panangtiliw ken panangisuko iti suspek.
Inlawlawagna pay a no adda ti pakaseknan dagiti estado maipapan iti panagtitinnulong, mabalinda iti komunsulta iti korte maitunos iti Rome Statute.
Innayon pay ti opisyal ti ICC nga uray no immikat ti Pilipinas iti korte idi 2019, saan a makaapektar daytoy iti pagrebbenganda a makitinnulong kadagiti imbestigasion ken panagusig kadagiti kriminal, maibasar iti Article 127 ti Rome Statute.###
