Dagus nga ipatungpal ti Department of Agriculture (DA) iti executive order ni Presidente Ferdinand Marcos Jr. a mangikeddeng ti ₱50/kilo price ceiling iti 5% broken imported rice iti uneg ti 30 nga aldaw.
Daytoy ket tapno malapdan ti saan a nainkalintegan a panagngato ti presio gapu iti implasion ken tension iti Middle East.
Segun kenni Agriculture Secretary Francisco P. Tiu Laurel Jr., addaan bileg ti ahensia iti sidong ti Price Act ken Anti-Agricultural Economic Sabotage Law kontra iti hoarding, profiteering, ken panangmanipula iti merkado.
Repasuen ti National Price Coordinating Council ti price ceiling kalpasan ti dua a lawas ken irekomendar no mabaliwan, mapaatiddog, wenno maikkat maibasar iti sitwasion ti merkado.###
