Target ti No. 2 Barangay Ginebra San Miguel a makaabante iti semifinal round ti Season 50 PBA Commissioner’s Cup iti panagsangoda iti No. 7 Phoenix Fuel Masters inton alas-7:30 ti rabii.
Awit ti Gin Kings ti “twice-to-beat” advantage iti quarterfinals isu a kasapulan laeng ti maysa a pannangabak.
Naudi a nagsango dagiti dua a koponan iti elimination round ken naballigi ti Ginebra.
Indauluan ni Justin Brownlee kadua da Scottie Thompson, RJ Abarrientos, Stephen Holt, Japeth Aguilar, Troy Rosario ken Nolbert Torres iti Gin Kings, bayat a mangnamnama met ti Phoenix kada import Johnathan Williams, Ken Tuffin, Tyler Tio, Bryan Santos ken Evan Nelle. Saan met a makaay-ayam da Ricci Rivero ken Jason Perkins gapu ti injury.###
