Dismayado ni Kilusang Mayo Uno Secretary General Mary Anne Castillo kalpasan a naammuanna a maipagarup a napalibas ni Senador Bato dela Rosa iti pasdek ti Senado.
Segun kenni Castillo, arigna tinulungan dagiti padana a senador ni Dela Rosa, a kunana a rumbeng met nga agsungbat iti linteg.
Nainget met daytoy a kinondenar ti Bagong Alyansang Makabayan gapu ta ipakpakita daytoy ti panangbastos iti hustisia.
Innayon ti grupo a saan laeng nga iti Senado no di pay ket ti agdama nga administrasion iti rumbeng nga agsungbat gapu iti nabuntog a panagtignay mainaig iti reklamo a sangsanguen ni Dela Rosa iti International Criminal Court mainaig iti extrajudicial killings.
Impaganetget dagiti grupo nga arigna addaan pribilehio dagiti adda iti turay agsipud ta no marigrigat iti mairamraman iti krimen ket dagos a maipabalud, maisupadi iti panagtrato kadagiti nabileg a tattao.###
