Kinondenar ti India iti panangraut iti maysa nga Indian-flagged cargo ship iti kabaybayan ti Oman kalpasan a limned daytoy kasaruno ti mapapati a missile strike.
Iti maysa nga statement ti Ministry of External Affairs ti India, inawaganda iti pasamak nga “unacceptable” ken binabalaw iti agtultuloy a panangpuntiria kadagiti komersial a barko ken sibilian.
Pinasingkedan met ti India a natalged amin a tripulante kalpasan nga insalakan dagiti otoridad ti Oman.
Segun ti maritime security firm, iti barko a nairaman ket ti MSV Haji Ali, maysa a cargo vessel nga addaan ti 14 a tripulante ken karga a livestock manipud Somaliland nga agturong idiay United Arab Emirates.
Naaddaan ti napigsa a panagbettak iti barko iti asideg ti kabaybayan ti Limah, Oman iti Strait of Hormuz.
Kalpasan ti panagbettak, timpuar ti uram a nakaigapuan ti panangpanaw dagiti tripulante iti barko sakbay a naan-anay a limned.
Saan pay a natakuatan ti India no siasino ti responsable iti pasamak, idinto a nagpanawagan ti New Delhi a protektaran iti commercial shipping ken freedom of navigation.###
