Agtaltalinaed a siuulimek ti Philippine National Police (PNP) maipapan iti posibilidad nga agtalinaed ni Senador Ronald dela Rosa idiay Camp Crame kabayatan a sangsangwenna iti maipagarop a warrant of arrest manipud ti International Criminal Court (ICC).
Rimmuar iti saritaan kalpasan a naipadamag nga awanen ni Dela Rosa iti protective custody ti Senado gapu iti panagbuteng a saan a natalged sadiay iti posible a pannakaarestarna.
Segun kenni suspended Senate Sergeant-at-Arms Chief Mao Aplasca, maipagarup a nangngeg na nga imbaga ni Dela Rosa kenni PNP chief Jose Melencio Nartatez Jr. a kayatna pay nga umuna nga agpakustodiaya iti “White House” iti uneg ti Camp Crame.
Ti maaw-awagan a White House ket opisyal a pagtaengan ti hepe ti national police a masarakan iti uneg ti kampo ken asideg iti National Headquarters ti PNP.
Idi nadawatan ti reaksyon, nagkedked ni
Nang hingan naman ng reaksiyon, tumanggi si PNP Spokesperson Randulf Tuaño a mangted ti komento no mabalin nga agtalinaed sadiay ni Dela Rosa uray adda ti kumpirmado a warrant maibusor kenkuana.
Immunan nga impaganetget ti PNP nga awan pay ti mabalinda nga aramiden maipapan iti warrant gapu ta awan pay ti court order para iti extradition ken awan pay met iti koordinasion manipud iti Interpol.
Agtultuloy a mapaspasungadan iti opisyal a waragawag ti kampo ni Dela Rosa maipapan iti agdama a lokasionna ken dagiti sumaruno nga addang maipapan iti kaso.###
