Nagtaripnong idiay Malacañang idi Mayo 14, 2026 dagiti kangrunaan nga ahensia ti gobierno tapno sukimaten iti implementasion ti direktiba ni Presidente Ferdinand Marcos Jr. a papartaken dagiti prayoridad a proyekto ti administrasion.
Dimmar-ay iti assessment meeting ti Department of Agriculture (DA), Department of Transportation (DOTr), Department of Public Works and Highways (DPWH), Department of Education (DepEd), ken Department of Budget and Management (DBM).
Tinalantan dagiti ahensia dagiti isyu iti panagusar ti budget tapno maksayan iti agwat iti nagbaetan ti nairuar a pondo ken ti aktual a panaggastos kadagiti proyekto.
Segun kenni Executive Secretary Ralph Recto, dumanon ti ₱1.287 trillion iti nairuar a pondo para iti maikadua a quarter ti tawen.
Impaganetget-na a napateg a marikna ti publiko iti benepisio dagiti programa a ponponduan ti gobierno.
Kenunana, kasapulan met a maresolba iti underspending dagiti sumagmamano a paset ti gobierno.
Imbaga met dagiti opisial a rumbeng a mapagnumaran dagiti baro a procurement policies tapno mapapartak iti implementasion dagiti proyekto ken maliklikan iti pannakaitantan.
Innayon ni Recto, imbilin ni Presidente Marco nga i-fast-track dagiti programa a makatulong iti ekonomiya, trabaho, inflation control, ken food security.
Segun ti Palasyo, napateg iti agtultuloy a panaggastos ti gobierno tapno mapagtalinaed a nasaranta iti ekonomiya ken mapapigsa iti gross domestic product (GDP) ti pagilian.###
