Nagpanawagan iti grupo a sumupsuporta kadagiti biktima ti extra-judicial killings (EJKs) kenni Senador Ronald Dela Rosa a sumukon.
Sumangsango ni Dela Rosa iti warrant of arrest manipud ti International Criminal Court (ICC) kalpasan a naibilang isuna kas co-perpetrator ni sigud a Presidente Rodrigo Duterte iti kaso a crimes against humanity.
Segun ti grupo a Project Paghilom, nalawag a panaggandat a liklikan ti accountability iti ipapanaw ni Dela Rosa manipud iti kustodiya ti Senado idi parbangon ti Huwebes.
Impaganetget ni Project Paghilom coordinator Randy Delos Santos a rumbeng a sangwen ti senador iti kaso kontra kenkuana. Kenunana, sigud ket natured daytoy a mangibagbaga a sangwen-na iti kaso ngem arigna nagbaliwen ita iti takderna.
Immunan nga imbaga ni Acting Senate Sergeant-at-Arms Mao Aplasca a nagkiddaw ni Dela Rosa a maipasidog iti kustodiya ti Philippine National Police (PNP), banag a pinagkedkedan ti kampo dagiti biktima ti drug war.###
