Impasigurado ni Ombudsman Jesus Crispin “Boying” Remulla nga agtultuloy iti imbestigasion kadagiti maanomalya a flood control projects iti laksid dagiti mapaspasamak idiay Senado.
Kenunana a suksukimaten da paylang iti partial Blue Ribbon Committee report ti Senado seknan kadagiti kontrobersial a proyekto.
Maisagsaga metten dagiti draft complaint bayat nga agtultuloy iti imbestigasion iti 35 agingga 45 a kaso.
Im-imbestigaran pay ti Ombudsman dagiti miembro ti “small committee” ti Kamara ken Senado a responsable iti panangsapinal ti national budget a naisubmitir iti presidente.
Karaman ditoy da sigud a Marikina 2nd District Rep. Stella Quimbo, sigud a Zamboanga City Rep. Mannix Dalipe, ken House Minority Leader Marcelino Libanan.
Nagbalin ni Quimbo a chairperson ti House Appropriations Committee kalpasan a nagikkat ni sigud nga Ako Bicol Party-list Rep. Zaldy Co ken nagbalin a paset ti “small committee” a naisyu iti intertsions iti 2025 national budget.
Silulukat iti opisina ti Bombo Radyo para iti aniaman a reaksion wenno waragawag dagiti nadakamat a personalidad.###
