Inwaragawag ni Israeli Prime Minister Benjamin Netanyahu nga asidegen a makumpleto ti Israel iti tarigagay daytoy a mapatay amin nga adda iti likudad ti panagraut ti Hamas idi Oktubre 7, 2023.
Kasaruno daytoy ti waragawag ti militar ti Israel a napatay iti airstrike idiay Gaza ni Ezzedine Al-Haddad, maysa kadagiti commander ti Hamas.
Segun kenni Netanyahu, pagsungbaten ken patayen da amin nga utek iti panagraut ken hostage-taking a nakatayan dagiti nasurok 1,200 a tattao idiay Israel.
Kenunana met a kontroladon ti Israel iti 60 porsiento ti Gaza ken kalikaguman-da a saanen daytoy nga agbalin a pangta iti pagilian.
Kabayatanna, segun ti health ministry idiay Gaza, nasurok a 72,700 a tattaon iti pimmusay gapu ti opensiba ti Israel sipud idi Oktubre 2023, a kaadduan kadakuada ket pasig a sibilyan.###
