Inbaga ni Senador Raffy Tulfo a posible nga adda responsibilidad ni Senate President Alan Peter Cayetano iti napasamak a pinnaltog idiay Senado no isuna iti nangbilin nga agwarning shot ni suspended Office of the Sergeant-at-Arms (OSAA) Mao Aplasca.
Mainaig daytoy iti statement ni NBI Director Atty. Melvin Matibag a ni Cayetano iti addaan ti command responsibility iti napasamak nga insidente isu a ti senate president iti rumbeng nga umuna a masuspendir.
Segun kenni Tulfo, no ti senate president iti nangibaon iti OSAA nga agwarning shot, rumbeng laeng nga addaan ti command responsibility ni Cayetano.
Ngem iti daytoy a kaso, imbaga mismo ti Senate Presidente nga awan ti inted na a bilin nga agwarning shot isu nga iti panagkita ni Tulfo ket awan ti pakinaigan ni Cayetano iti insidente.
Kabayatanna, para kenni Senador Robinhood Padilla, insalakan ni Aplasca iti biag dagiti adda iti uneg ken ruar ti Senado.
Punto ni Padilla, ti warninig shot ni Aplasca ken ti NBI iti nangpakalma iti sitwasion ken mangpaneknek a friendly forces iti nagsinnungbangir a dasig.
Nupay kasta, ammo ti senado nga adda ti panagkurang iti koordinasion ken komunikasion kadagiti mangidadaulo kadakuada.###
