Nakailista iti Department of Health (DOH) ti 4,633 a baro a kaso ti human immunodeficiency virus (HIV) manipud Enero agingga Marso 2026, segun ti HIV and AIDS Surveillance of the Philippines. Nangatngato daytoy ti 9% maiyarig iti kapada a panawen idi 2025.
Iti pakabuklan a bilang, 1,104 wenno 24% dagiti baro a kaso ket adda iti advanced HIV stage idi na-diagnose. Dumanon met iti average a 51 a kaso tunggal aldaw ken 1,544 tunggal bulan iti mailislista ita a quarter.
Kadduan a bilang dagiti baro a kaso ket manipud idiay National Capital Region nga addaan ti 989 infections, kasaruno ti Calabarzon (808), Central Luzon (551), Soccsksargen (277), ken Davao Region (263). Dagitoy a rehiyon ket mangbukbukel iti 62% ti amin a baro a kaso.
Kaadduan kadagiti baro a kaso ket lallaki — 4,381 lalaki ken 252 babbai — nga addaan edad a dua agingga 77.
Maibasar iti National HIV Care Cascade idi Marso 2026, mapatta-patta a 288,000 a tattao iti agbibiag nga addaan ti HIV ditoy Pilipinas, ngem 55% laeng wenno 157,350 iti kumpirmado a diagnosed wenno laboratory-confirmed.###
