Inlawlawag iti retirado a Senior Associate Justice Antonio Carpio a saanen a kasapulan dagiti lokal a korte tapno ipatungpal ti warrant of arrest manipud International Criminal Court kontra kenni Senador Ronald dela Rosa.
Kinuna ni Carpio a ti kaso a sangsangwen ti sigud a Chief kas Philippine National Police ket adda pakainaigan na ti crimes against humanity, a mabigbigbig iti international law ke ti Konstitusyon ti Pilipinas.
Kadaitoy ket mabalin a maaddaan ti hurisdiksiyon ti aniaman a pagilian agsipud ta iti krimen ket laban kontra ti tao.
Innayon na a ti saan a panangipaulog ti Supreme Court of the Philippines iti temporary restraining order (TRO) ket pakaibatugan nga adda iti bileg ti arrest warrant manipud ICC.
Babaen ti Republic Act No. 9851, adda iti pagpilian iti gobierno wenno ti Presidente nga i-surrender ni dela Rosa idiay ICC wenno mausig isuna ditoy Pilipinas.
Ti waragawag ket kalpasan ti kinuna iti kampo ti senador a kasapulan ti interbensiyon manipud lokal a korte tapno agbalin a balido ti warrant.
