Indelara ti Malacañang dagiti special non-working day kadagiti dadduma a nga ili para iti bulan ti Hunyo mainaig kadagiti lokal a pista kasta met ti anibersaryo ti pannakaipasdek da.
Inton Hunyo 17, awan iti serrek idiay Bingawan, Iloilo para ti Pagnahi-an Festival ken idiay Laoac, Pangasinan para ti anibersaryo iti ili.
Para ti Hunyo 18, suspendido iti trabaho para ti panagrambak ti anibersaryo dagiti lugar ti Don Carlos ken Lantapan, Bukidnon, kasta met idiay Kiblawan, Davao del Sur.
Kabayatanna, inton Hunyo 22 met ket awan iti serrek idiay Marcos, Ilocos Norte para ti Marcos Town Day; Sergio Osmeña, Zamboanga del Norte ken Villaverde, Nueva Vizcaya para ti anibersaryo da.
Naideklara kas non-working day para ti founding anniversary inton Hunyo 25 idiay Conner, Apayao ken Sagada, Mountain Province.
Segun iti Office of the Executive Secretary, nakailanad dagiti deklarasyon iti nagsisina a proklamasyon.
