Mabalinen nga agangkat iti Pilipinas ti Belgian poultry kalpasan nga inikkat ti Department of Agriculture (DA) iti temporary ban kasaruno iti panangipatungpal ti Europa nga addang kontra ti High Pathogenicity Avian Influenza.
Iti Department Circular No. 25, binigbig ti ahensia iti regionalization protocols ti Belgium kontra iti bird flu. Karaman kadagiti mabalin nga angkaten iti domestic ken wild birds, karne ti manok, day-old chicks, itlog, ken semilya manipud kadagiti bilaterally recognized free zones.
Segun ti DA, makatulong daytoy tapno mapalawa iti pagalaan ti poultry products ken mapatibker iti supply ken seguridad iti taraon ti pagilian.
Maipalagip a naiparit idi napalabas a tawen iti panagangkat dagiti poultry products manipud Belgium tapno maliklikan iti panagwaras ti avian influenza.###
