Inwaragawag ni US President Donald Trump a naaddaan ti positibo a panagdur-as iti saritaan ti katulagan iti Iran.
Segun kenni Trump, posible a maluktan manen iti Strait of Hormuz kagiddan ti nalawlawa a katulagan dagiti dua a pagilian.
Kenunana met nga agtultuloy iti pannakitaripnong ti Estados Unidos ken Islamic Republic of Iran kadua dagiti sumagmamano a pagilian para iti pinal detalye ti katulagan.
Nakasarita metten ni Trump dagiti sumagmamano a Gulf ken regional leaders manipud idiay Saudi Arabia, United Arab Emirates, Qatar, Pakistan, Turkey, Egypt, Jordan, ken Bahrain seknan iti negosasyon.
Naaddaan isuna ti naisina a pannakisarita kenni Israeli Prime Minister Benjamin Netanyahu, a segun kenkuana ket nagbunga ti positibo a resulta.
Maipalagip a manon a daras a naaddaan ti negosasion iti Estados Unidos ken Iran ngem saan a dagus a naaddaan ti katulagan.###
