Nakaabang iti National Bureau of Investigation (NBI) iti posible a panangiruar ti arrest warrant ti Sandiganbayan kontra kenni Senador Jinggoy Estrada, kasaruno iti pormal a panangipila ti Office of the Ombudsman ti plunder ken graft charges kontra iti senador iti Sandiganbayan idi kalman.
Segun kenni NBI Director Melvin Matibag, nakasaganada a mangiserbi iti warrant of arrest no kaspangarigan iruaren ti Sandiganbayan.
Maipalagip nga indatag ni Assistant Ombudsman Mico Clavano iti kaso a plunder ken graft maibusor iti Senador mainaig ti maipagarup nga illegal budget insertions ken project allocationa kadagiti infrastructure project ti Department of Public Works and Highways (DPWH) para iti fiscal year 2025.
Nagkiddaw met iti Ombudsman ti hold departure order (HDO) kontra kenni Estrada ken dagiti dadduma pay a respondents karaman ti sigud a DPWH Secretary a ni Manuel Bonoan.###
