Sumangsango manen ni Senador Jinggoy Estrada iti kaso a plunder kalpasan a pilaan ti Office of the Ombudsman iti Sandiganbayan mainaig ti maipagarup a flood control scandal no sadino maikonkonektar iti senador iti nasurok ₱573 million kickback.
Daytoy iti maikatlo a dakkel a kontrobersiya nga addaan pakainaiganna iti kaso a plunder a nakairamanan ni Estrada iti uneg ti nasurok dua a dekada.
Immunan a nairaman iti senador idi 2001 kalapsan a mairaman iti jueteng scandal kadua ti amana a ni sigud a Presidente Joseph Estrada. Maipapan daytoy dagiti alegasion a maipagarup nga immawatda ti protection money manipud iti ilegal a sugal a jueteng,
Idi 2014, simmango manen isuna iti kaso a plunder mainaig ti kontrobersial a Priority Development Assistance Fund (PDAF) wenno pork barrel scam a nakairamanan ti negosyante a ni Janet Lim-Napoles.
Iti kauddian a reklamo, karaman ni Estrada iti maipagarup nga iregularidad iti flood control projects ken panangawat ti ginasut a million a kickbacks.
Inrekomenda ti Ombudsman iti “no bail” para iti kaso a plunder, a kaipapanan a saanen dagus a makapagpiyansa iti akusado no pinalubusan ti korte nga agabante iti kaso.###
