Arestado ti maysa a teacher idiay Barangay Poblacion, Aringay, La Union idi kalman, Mayo 28, 2026 gapu iti uppat a bilang ti Statutory Acts of Lasciviousness ken dadduma pay a kaso.
Nabigbig iti suspek a Top 2 Most Wanted Person (Municipal Level), agtawen ti 50, addaan asawa, ken residente ti Purok 2, San Benito Norte, Aringay, La Union.
Natiliw isuna babaen iti bileg ti Warrant of Arrest nga impaulog ni Hon. Romeo Atillo Jr., Presiding Judge ti Regional Trial Court, First Judicial Region, Branch 31, Agoo La Union a napetsaan ti Mayo 5, 2026, gapu iti kaso nga Acts of Lasciviousness nga addaan ti nairekomenda a piyansa a ₱200,000; uppat a bilang ti Statutory Acts of Lasciviousness nga addaan ti bail bond a P120,000 (CC# A-2917), ken sag-₱36,000 para iti Criminal Case No. A-2918, A-2919, ken A-2920.
Nairekord iti operasion babaen ti Alternative Recording Device (ARD). Kalpasanna, naiturong iti wanted person iti Rural Health Unit ti nasao nga ili para iti pisikal nga eksaminasion ken naipaima iti istasion ti pulisya para iti dokumentasion ken umno a disposision.
Ref: Spot Report, Aringay MPS
