Saan a pabor ni Presidente Ferdinand Marcos Jr. ti singasing a mangipalubos iti online participation ken electronic voting dagiti senador a saan a personal a makaatendar iti sesion.
Kinuna ni Presidente Marcos Jr. nga iti remote voting ket naipalubos laeng idi gapu iti COVID-19 pandemic ken awan ti rason nga isubli daitoy.
Segun iti Presidente, arigna nakapamaysa laeng iti kaso ni Sen. Ronald “Bato” Dela Rosa ti kastoy a singasing.
Naliday ken maseknan met ni Presidente Marcos kadagiti kontrobersiya a sangsanguen ti Senado, pakairamanan ti mapapati a peke a pammaltog idi Mayo 13.
Pinasingkedan na a dakkel ti nagbaliwan ti Senado no idasig idi senador pay isuna, agsipudta sigud nga adda dagiti napigsa a debate ngem saan a napasamak a personal dagiti sumagmamano nga agdama a panagsusupiat.
Namnamaen ni Presidente Marcos a dagus a marisut dagiti senador dagiti parikut a sangsanguen ti institusion.
