Naituding a mangipaulog ti National Bureau of Investigation (NBI) iti subpoena kontra ken ni Nancy dela Rosa, asawa ni Senador Ronald “Bato” dela Rosa, mainaig kadagiti imbagbagana mainaig iti insidente iti Senado idi Mayo 13.
Pinasingkedan ni NBI Director Atty. Melvin Matibag iti press conference nga isagsagana ti ahensia ti subpoena kalpasan a nainaig ken ni Nancy dela Rosa dagiti statements a maipagarup a naidanon ken ni Senate President Alan Peter Cayetano.
Segun iti NBI, mapapati nga inaramat ni Senador dela Rosa ti nasao nga insidente kas gundaway a pumanaw iti Senado.
Malaksid kenni Nancy dela Rosa, kinuna pay ni Matibag a mangipaulog pay ti NBI iti subpoena kontra kadagiti dadduma nga indibidual a mapapati a nakalangen ni Senador dela Rosa bayat ti imbestigasion.
Kabayatanna, ad-adalen pay laeng ti ahensia no kasapulan a paayaban ni Senador Robin Padilla, kalpasan nga immun-una a naidarum daytoy iti obstruction of justice babaen ti Philippine National Police-Criminal Investigation and Detection Group (PNP-CIDG).
Immunan nga inadmitir ni Padilla nga inikkanna ni Senador dela Rosa ti ride out iti Senado idi agsapa ti Mayo 14 ken mapapati a nangibaba kenkuana idiay Makati City.
