BR LA UNION – Binaliwan ti House prosecution panel iti assignment ti sumagmamano a miyembro na para iti manamnama a panagrugi ti impeachment trial kontra kenni Vice President Sara Duterte.
Segun kenni Justice Committee chair ken lead prosecutor Gerville Luistro, saanen nga isuna iti agserbi a lider ti team a mangiggem iti sumagmamanmo a reklamo a maiyak-akusar kontra kenni VP Sara.
Imbes ket agpokus laengen isuna iti papel kas lead prosecutor.
Gaputi dayta, ni Manila Representative Joel Chua ti napili a mangidaulo iti team a mangiggem wenno mangtutok iti reklamo seknan iti maipagarop nga anomalya iti pannaka-gastos ti confidential ken intelligence funds.
Idaulwan met ni Bukidnon Representative Keith Flores iti artikulo seknan iti maipagarop a napasamak a panag-pasoksok wenno bribery idi sekretaryo pay laeng iti Department of Education ni VP Sarada Duterte.
Iti agdama, segun kenni Luistro, ad-adalen dagiti prosecutor iti amin nga isyu a mangbalbalkot iti tunggal article of impeachment, karaman iti regular a panagtataripnong ken workshops.
Mangisay-sayangkat pay dagiti abogado ti mock proceedings para iti tunggal impeachment article.
Namnamaen nga iti sumaruno a lawas ket agpason ti 10 nga aldaw a pawayway a naipaay iti kampo ni VP Sara tapno sungbatan dagiti alegasyon a nakapauneg iti impeachment case kontra kenkuana.
