Inarestar ti Bulacan Police Provincial Office ni Gawad Kalinga founder Tony Meloto iti maysa a farm idiay Angat, Bulacan mainaig ti kaso a qualified trafficking.
Segun iti pulisya, adda ti inruar a warrant of arrest kontra kenni Meloto iti Malolos Regional Trial Court Branch 76 gapu iti panaglabsing iti Anti-Trafficking in Persons Act of 2003 ken awan ti nairekomenda a piyansa para iti kaso.
Nagtaud iti reklamo idi Setyembre 2025 kalpasan nga inreklamo isuna dagiti dua a lallaki a beneficiaries ti foundation daytoy, gapu iti maipagarup a panangmolestya, sexual harassment, ken human trafficking.
Immunan a pinaglibakan ni Meloto dagiti alegasyon ken impaganetget a maysa daytoy a demolition job kontra kenkuana.
Iti agdama, adda isunan iti kustodiya ti pulisya bayat a maisagsagana iti return of warrant.###
