Inladawan ni Presidente Ferdinand Marcos Jr. kas highly productive ken constructive iti maikapat nga aldaw nga state visit idiay Japan kalpasan a makaala ti napateg a katulan para iti Pilipinas.
Karaman kadagiti nagbalin a tampok ti biyahe iti panangpatibker ti relasyon ti Pilipinas ken Japan agturong iti Comprehensive Strategic Partnership.
Pinalawa met ti dua a pagilian iti kooperasion iti depensa, enerhiya, artificial intelligence, kalakalan, ken maritime security bayat a marugrugyan metten iti negosasion para iti General Security of Military Information Agreement (GSOMIA).
Dumanon met iti US$3.4 billion iti investment pledges ken business opportunities manipud kadagiti Japanese investors a manamnama a mangpataud ti nasurok 10,000 a trabaho.
Nakipagkita met ni Marcos iti Filipino community idiay Japan ken impasigurado iti agtultuloy a suporta ti gobierno kadagiti overseas Filipino.###
