Ilunglungalong ni Parañaque 2nd District Representative Brian Yamsuan iti dagos a panangipasa ti Right-To-Information ken Anti-False Information bills iti Kamara.
Segun kenni Yamsuan, napateg iti dua a singasing tapno masigurado iti access ti publiko iti umno nga impormasion ken malappedan iti panagwaras ti fake news.
Naipasan iti maikadua a panagbasa iti dua a priority bills ti Marcos administration idi Mayo 26, 2026.
Iti sidong ti RTI bill, maipasdek ti independent commission ken digital portal para iti nalaklaka a panagkiddaw dagiti opisial a dokumento ti gobierno.
Kabayatanna, dusaen ti AFI bill iti malisioso a panangiwaras ti biddut nga impormasion a saan a maapektar iti kinawaya ti panagwaragawag.###
