Naaddaan ti nabara a sinnungbat idiay Senado iti baetan da Senate President Alan Peter Cayetano ken DILG Secretary Jonvic Remulla bayat iti panangipatungpal ti PNP-CIDG ti panang-aresto kenni Senador Jinggoy Estrada gaputi kaso a plunder.
Bayat ti pannakaipatungpal ti warrant of arrest, impaganetget ni Cayetano a nasken nga i-respeto iti institusyon ti Senado ken palubosan ni Estrada a makarwar pay laeng sakbay nga arestaren..
Ngem nainget a kinontra ni Remulla ken impaganetget na a napukaw iti pribilehiyo ti Senado kalpasan ti insidente a panaglibas ni Sen. Ronald “Bato” Dela Rosa manipud iti protective custody.
Iti napasamak ket mangipakpakita ti narikot nga isyu ti bileg iti baetan ti lehislatura ken ehekutibo.
Kabyatanna, agtaltalinaed a sentro ti kontrobersiya iti kaso ni Estrada nga adda pakainaiganna iti maipagarop P573-milyon nga anomalya iti flood control projects, maysa a kaso a non-bailable nga adda kaibatugan a pannusa a reclusion perpetua nu mapaneknekan a guilty.
