Agkadua ni Filipino tennis star Alex Eala ken ni tennis legend Venus Williams iti doubles draw ti Bad Homburg Open, segun iti report ti Tennis Channel.
Kaduana met da Eala ken Williams ti German player a ni Eva Lys, a naikkan ti main draw wildcard iti singles competition ti WTA 500 tournament idiay Bad Homburg, Germany.
Para kenni Eala, maysa a naisangsangayan a gundaway iti makadua ti maymaysa a koponan ni Williams a pito a darasen a nagkampeon ti Grand Slam singles ken maibilang a maysa kadagiti kasayaatan a players iti pakasaritaan ti tennis.
Saan a daytoy iti umuna a gundaway a nakasango ni Eala iti pamilia Williams iti court. Idi Enero, inabak da Eala ken Iva Jovic da Venus Williams ken Elina Svitolina iti Round of 16 ti ASB Classic.
Kabayatanna, rinugian ni Eala iti grass-court season-na iti WTA 125 Birmingham Open idi Lunes, ken makipaset pay iti doubles event a kaduana ti Czech player a ni Nikola Bartunkova.###
