Impasigurado ti Department of Energy (DOE) nga umdas iti supply ti Liquefied Petroleum Gas (LPG) iti pagilian.
Kasaruno daytoy iti panagsangpet ti kanayunan a 21,000 metric tons ti LPG nga inangkat ti Pilipinas.
Segun kenni Energy Undersecretary Sandy Sales, agtultuloy ti panagdiskarga kadagiti simmangpet a supply iti pantalan idiay Calaca, Batangas manipud Enterprise Port idiay Texas, United States.
Impasigurado ti ahensia a dumanon ti 42 nga aldaw iti imbentaryo ti supply ti LPG iti pagilian.###
