Opisial a nalukatan ti 2026 Regional Skills Olympics ita nga aldaw, Hunio 2, 2026, sadiay SM City La Union, tallo nga aldaw a pasalip nga agpaut agingga iti Hunio 4, 2026. Indauluan ti nadakamat nga aktibidad ken inorganisar ti Technical Education and Skills Development Authority (TESDA) Regional Office I kas paset ti agtultuloy a panangitandudona iti kinalaing iti Technical-Vocational Education and Training (TVET) ti rehion.
Nangrugi ti programa iti agarup alas 11 ti bigat babaen ti opening ceremony a tinabunuan dagiti opisyales manipud iti nadumaduma nga ahensia ti gobierno ken TESDA.
Nu sadinno kangrunaan a sangaili ni Regional Director Exequiel Ronie A. Guzman ti Department of Labor and Employment (DOLE) Regional Office I, a inrepresentar ni Director Honorina Dian-Baga, Director IV ken Regional Director ti DOLE Regional Office I.
Kasta met dagiti nangato nga opisial ti TESDA, a pakairamanan ni:
ED David B. Bungallon – Executive Director, Regional Operations Management Office (ROMO)
RD Ramon Evan T. Ruiz – Regional Director, TESDA Regional Office I
PD Sharon S. Estigoy – Provincial Director, TESDA Ilocos Norte
PD Larry F. Dizon, Sr. – Provincial Director, TESDA Ilocos Sur
PD Alvin L. Yturralde – Provincial Director, TESDA Pangasinan
PD Marlon P. Daclis – Provincial Director, TESDA La Union
RD Honorina Dian-Baga – Regional Director, DOLE Regional Office I
Panggep ti Regional Skills Olympics nga ipakita ken rukoden ti kabaelan ken kinasayaat dagiti makipaspaset nga agtutubo iti nadumaduma a tay-ak ti teknikal-bokasional a paglaingan. Mangipaay pay daytoy iti plataporma para iti kompetision a naibatay kadagiti aktual a kasasaad ken pagalagadan ti industria, bayat nga agserserbi a mekanismo para iti panagpili kadagiti regional champions a mangibagi iti Region I iti mapaspasamak a National Skills Olympics ken posible a mangibagi iti Pilipinas kadagiti global skills competitions.
Agdagup iti 33 a talented youth participants manipud iti nadumaduma a probinsia ti Region I ti agtataripnong tapno makisalip iti 15 a skill areas a pakairaman iti lima a kangrunaan a skill sectors:
Creative Arts and Fashion
Construction and Building Technology
Manufacturing and Engineering Technology
Social and Personal Services
Transportation and Logistics
Manamnama a daytoy a pasalip ket ad-adda a mangparegta dagiti agtutubo a mangpadur-as iti paglainganda ken agballigi kadagiti napilida a tay-ak, bayat a mapatibker ti kalidad ken sangalubongan a panagsasalisal dagiti nalaing a mangmangged a Pilipino.
Ti Regional Skills Olympics ket maysa a pammaneknek iti agtultuloy a panagregget ti TESDA a mangitandudo iti kinapateg ti teknikal-bokasional nga edukasion kas tulbek tapno mangpataud iti ad-adu a gundaway iti trabaho ken panagdur-as ti ekonomia. (Report by Bombo Ericka)
