Nagpanawagan ni Presidente Ferdinand Marcos Jr. kadagiti senador nga agsublin iti trabaho da kalpasan a nakanselar ti dua a nagsaruno a sesyon ti Senado.
Segun ti Presidente, ado pay dagiti nakapila a singasing-linteg nga agkasapulan ti dagos a panagtignay ti Upper House.
Kenunana nga agtultuloy met iti panagtrabaho ti Ehekutibo ken Hudikatura isu a saan na a maawatan no apay ta nagsardeng iti panangangay ti sesyon iti Lehislatura.
Impaganetget ni Marcos a saan nga umdas a rason iti panangkadua kenni Jinggoy Estrada iti pagbaludan tapno kanselaren iti sesyon.
Innayon na pay nga adda dagiti nakatuding a patakaran iti panagkanselar ti sesyon, karaman iti abiso iti Kongreso sumagmamano nga aldaw sakbay nga aramiden daytoy.###
