Inbatad ti Nomura Global Markets Research, Deutsche Bank Research ken HSBC nga agtaltalinaed a kasapulan ti kanayunan a panagngato iti policy rate ti Bangko Sentral ng Pilipinas (BSP) gapu ta ngimmato ti 4.1% iti core inflation a limbes iti target a 2% aginggana 4%.
Daytoy ket uray bimmuntog ti 6.8% iti headline inflation idi Mayo.
Segun ti Nomura, mabalin a nadanonen ti headline inflation iti kangatuan a lebel daytoy ngem manamnama a ngumato pay iti core inflation, isu a namnamaen daytoy a mangipatungpal iti BSP ti tallo a nagsaruno a 25-basis-point rate hikes agingga dumanon ti 5.25% ita a tawen.
Kenuna ni HSBC Global Research senior ASEAN economist Aris Dacanay a saanen a maasurukan ti off-cycle rate hike, ngem posible iti 50-basis-point increase iti nakatuding a panagtaripnong ti BSP inton Hunyo 18 gapu iti ngumatngato a core inflation ken peggad iti piso.
Inpaganetget met ni Deutsche Bank economist Junjie Huang a temporario laeng iti panagbaba ti headline inflation ken agtaltalinaed nga umno iti 50-basis-point rate hike gapu ta nasursurok daytoy iti target ti BSP.
Idi Abril, inpangato ti BSP iti policy rate ti 4.50% a nagleppas iti easing cycle kalpasan ti pakabuklan a 225 basis points a rate cuts manipud Agosto 2024 aginggana Pebrero 2026.###
