Naragsak nga inpadamag ti South Korean actor a ni Kim Soo-hyun iti panagsubli na iti publiko kalpasan ti nasurok maysa tawen a panagulimek gapu ti kontrobersiya.
Segun ti talent agency ni Kim, ag-shoot daytoy ti print advertisement para iti maysa a nalatak a fashion brand inton Hunyo 14 kas maysa kadagiti baro a brand ambassador. Nupay saan pay a sigurado no maisayangkat ditoy Pilipinas wenno idiay South Korea.
Daytoy iti umuna ken opisial a public appearance ti aktor kalpasan a mairaman iti isyu mainaig iti pimmusay nga aktres a ni Kim Sae-ron ken kadagiti alegasion maipapan iti maipagarup a relasion da, a nainget na a pinaglibakan.
Kabayatanna, rimuar iti imbestigasion ti pulisya a dagiti sumagmamano a KakaoTalk messages ken audio recordings a nairuar kontra iti aktor ket edited.
Gapu ti daytoy, nangipila ni Kim Soo-hyun ti reklamo iti piskalya kontra iti Youtuber a nangiwaras dagiti nasao a materyal.###
