Suspendido iti face-to-face classes dagiti amin a lebel ti pampubliko ken pribado a pagadalan idiay siyudad ti Davao ita nga aldaw, Hunyo 9, segun ti Department of Education (DepEd).
Daytoy ket kalpasan a dinayyeg ti magnitude 7.8 a ginggined iti Sarangani idi bigat kalman, Hunyo 8 a nakaapektar iti dadduma a paset Mindanao.
Kabayatanna, work-from-home arrangement met iti trabaho dagiti ahensia ti gobierno iti nasao a siyudad, malaksid kadagiti opisina a mangipapaay ti kritikal a serbisyo, kas ti disaster ken emergency response, safety and security, health, sanitation, traffic management ken social services.
Panggep ti suspension a siguraduen a natalged ken naipasidong iti inspeksion dagiti amin a pasilidad, ken tapno maliklikan iti kanayunan a pannakadadael no kaspangarigan maaddaan ti aftershocks.###
