Nagpakdaar ti Philippine Institute of Volcanology and Seismology (PHIVOLCS) a mabalin a dumanon iti Magnitude 8.2 iti ginggined a posible nga agtaud kadagiti innem nga active trenches ditoy Pilipinas, kasaruno ti Magnitude 7.8 a ginggined idiay Sarangani idi Hunyo 8, 2026.
Segun kenni PHIVOLCS Director Teresito Bacolcol, karaman kadagiti mabanbantayan a fault system iti Philippine Trench, East Luzon Trough, Manila Trench, Negros Trench, Sulu Trench, ken Cotabato Trench.
Inlawlawag ni Bacolcol nga adda ti kabaelan dagitoy a mangigubuay ti napipigsa a ginggined ken tsunami, kas iti napasamak idi 1976 Mindanao earthquake.
Innayon na pay a dagiti ginggined iti uneg ti kabaybayan ket mabalin a mangpataud ti lokal a tsunami isu a rumbeng bantayan dagiti napigsa a panagdayyeg, kellaat a panagsunod wenno panagatras ti danom, ken naidumduma nga uni manipud iti kabaybayan.
Kenuna ti ahensia, ti Cotabato Trench iti nagtaudan ti magnitude 7.8 a ginggined idiay Sarangani a maibilang a kapigsaan ita a tawen.
Gapu ti daytoy, maparegta iti publiko a mangisagana ti go-bag, ammuen dagiti rota ti evacuation, ken suruten dagiti opisial nga abiso ti PHIVOLCS.###
